Хундэтэ багшанар, ажалшад ба hурагшад! Та бүгэдэниие Сагаалганаар – Зүүн зүгэй литын еhоор, харагшан уhан Могойн hүлдэ тэмдэг доро гараhан Шэнэ жэлээр үнэн зүрхэнhөө амаршалнаб!
Нютагтамнай Сагаалган дахин морилбо. Зүүн зүгэй литээр Шэнэ жэлые бүхы ажаhуугшад тэмдэглэдэг. Юундэб гэхэдэ, Сагаалган хадаа сэбэр сагаан hанаанай болон hайн hайхан хэрэгүүдэй hүлдэ тэмдэг ха юм. Эдэ үдэрнүүдтэ хүн бүхэн сагаан эдеэгээр элбэг шэрээдээ түрэлхид гаралхидаа, дүтынгөө зониие, нүхэд болон хүршэнэрөө урин хүндэлжэ, үреэлэй дулаахан yгэнyyдые хэлэжэ, гарай бэлэгүүдые барюулдаг заншалтай.
Аяар холо сагhаа дамжан ерэhэн Сагаалгамнай урданай еhо заншал хадагалдаг, соелой баялиг хүгжөөдэг, бидэниие hайхан хэрэгүүдтэ зоригжуулдаг. Хүн болон байгаалиин hэргэлгэ болон шэнэлэлгэ тэмдэглэн, зоной зүрхэ сэдьхэл этигэл болон найдалаар дүүргэдэг.
Сагаан hарын hайндэрөөр үнэн зүрхэнhөө амаршалнаб! Гараhан жэл бултанда аза талаантай, амгалан амжалтатай, hайн байг лэ! Һанаhан хэрэгүүдтнай бyтэг, найдал этигэлтнай хүсэлдэг! Сагаан hараяа угтажа, сагаан hанаатай, буян хэшэгтэй hууял даа. Түрэл нютагтаа hургуулияа өөдэнь үргэн, гэр бүлэдөө амгалан тайбан, ажалдаа амжалтатай, зол жаргалтай ябахамнай болтогой!
